ಹಡೆದವ್ವ
ಬಂದೆ,ಬಂದೆ,ಬಂದೆ ನೀ ಎಲ್ಲಿಗೆ..?
ಕಲ್ಲು ಮುಳ್ಳಿನ ಹಾದಿ ಸವೆಸಿ
ನಿನ್ನ ಕರುಳ ಬಳ್ಳಿಯ ಅರಸಿ
                ಓಡೋಡಿ ಬಂದೆಯಾ

ಕಷ್ಟ ಕಾರ್ಪಣ್ಯವೆಲ್ಲವ ನುಂಗಿ 
ರಕ್ತ ಬೆವರ ಒಂದಾಗಿಸಿ 
ಕಣ್ಣೀರ ಕೋಡಿ ನೀ ಹರಿಸುತ್ತಾ
                 ಬಂದೆಯಾ..?

ಮಾಸಿಹೋದ ಸವಿನೆನಪುಗಳು 
ಕಳೆದುಹೋದ ಕನಸುಗಳು 
ನೆನೆ ನೆನೆದು ಕಣ್ಣೀರಿಡುವ ಕಂಗಳು 
                 ಹೊತ್ತು ತಂದೆಯಾ..?

ಅದೇ ನಿನ್ನ ಕೆದರಿದ ಕೇಶ 
ಅದೇ  ಬಡ ವೇಷ 
ಮುಖದಲ್ಲೇನೋ ಆವೇಶ 
                 ಸಾಧಿಸಲು ನಿನ್ನ ಇಚ್ಛೆಯ

ಅದೋ ನಿನ್ನ ಮಗ ಕಾದಿಹನು 
ಮಾತೃಪ್ರೇಮವ ಬಯಸುತ 
ತಾಯಿಯೆಂದಳು ಬಂದೆ ಕಂದಾ ಬಂದೆ 
                 ಆದರೇನು..?

ಆಕೆಯ ಕರುಳಬಳ್ಳಿ ಕಾದಿಹುದೆಲ್ಲಿ!!!
ಸುಂದರ ಹೂವಾಗಿ ಆ ಚಿತೆಯಲ್ಲಿ.....    

                               -ರಕ್ಷಿತ್.ಎಸ್.